~Номын клуб...~

2010-03-10 17:05:00

"Ном + Кино" бичлэгийн үргэлжлэл.
"100 кино- үргэлжлэл..." цааш унших »

2010-03-10 16:54:44

"Кино" гэж нэрээр бичсэн уншигчид зориулж бяцхан мэдээлэл өгье. Их сонирхолтой асуулт байна, баярлалаа.

Ер нь бүх кино мэдээжийн хэрэг зохиол дээр үндэслэж, кино найруулагчийн билгийн нүдээр өнгө төрхөө олж бүтдэг урлаг шүү дээ. Харин таны асуулт "Алдартай ном, зохиолоос сэдэвлэн хийсэн ямар кино байдаг вэ?" гэж болох юм. Энэ миний хувьд ч сонирхолтой санагдаж байна. Ер нь сайхан хийсэн кинонууд байна аа. У.Шекспирийн "Хамлет", "Ромео Жулетта" ч давгүй сайхан кино болж дүрүүд нь "амилсан" шүү дээ. Энэ блогийн бичлэг дунд "Дөлгөөн Дон", "Монте Кристо гүн", Пастернакийн "Доктор Живаго", Владимир Набаковын "Лолита" энэ тэрхэнийг бичсэн байгаа. Яагаад энэ тэрхэн гэсэн бэ гэвэл бидэнд гадаад ертөнц хаалттай байсныг л гэрчлэх үр дүн юм. Гадны олон шуугиулж байсан ном зохиол өнөөдөр кино болсноороо л хэзээ хойно бидэнд хүрж байдаг. Бидэнд гадаад хэлний барьер бас байна л даа.
"Ном + Кино" цааш унших »

Олон Улсын Эмэгтэйчүүдийн баярын мэнд хүргэе!

2010-03-05 22:32:32

Охин үрээ хайрла!

Охин үрээ хайрла!
Омогдож загнахдаа ч хайрла!
Охин үрээ хайрла!
Ойворгон зэмлэхдээ ч хайрла! Жил бүрийн 3 дугаар сарын 8-ны өдрийг дэлхийн олон улс оронд Олон улсын эмэгтэйчүүдийн өдөр хэмээн тэмдэглэдэг билээ. Анх 1908 оны 3 дугаар сарын 8-ны өдөр 15,000 эмэгтэйчүүд ажлын цагийг багасгах, цалин нэмэх, санал өгөх эрхтэй болохоор Нью Йорк хотод жагссан байна. Тэр өдөр дэлхий өнцөг булан бүрд энэ түүхэн үйл явдлыг харж, эмэгтэйчүүдийн асуудал руу эргэж харсан аж. Саяхныг хүртэл эмэгтэйчүүд их сургуульд орох эрхгүй байсан гэхээр аймшигтай байгаа биз. За тэгээд энэ амралтын өдрүүдээр эрчүүд минь эмээ, ээж, эгч, охин дүү, найз охиноо баярлуулахаа мартуузай. Би л хувьдаа юу бэлэглэхээ шийдсэн... Харин блогт маань зочилсон бүх охид, эмэгтэйчүүддээ доорхи сайхан шүлгээр бэлэг барьж байна.

"Олон Улсын Эмэгтэйчүүдийн баярын мэнд хүргэе!" цааш унших »

Аргадан байж туулахаас яах вэ?

2010-03-04 11:54:03

Тайлбар: Өнгөрсөн жил билүү дээ "Зөрлөг" гэж нэртэй Монгол кино "үндэсний үйлдвэрлэлээ дэмжээд" үзэж байсан юм. Манай Монгол кинонууд сэтгэл дундуур үлдээх нь цөөнгүй ч зав боломж олдвол үзэхийг боддог. Тэд хийж үзэж байж л, бид нар билетийг нь худалдан авч үзэж байж л сайжирна шүү дээ. "Зөрлөг" киноны хэлэх гээд байгаа санаа нь надад их таалагдсан. Даруухан ч гэсэн хөөрхөн. Тэнүүн, Нара хоёрын дуулсан энэ дуунд киноны гол санаа үндсэндээ оржээ. Сая энэ дууг санаандгүй олоод сонссон чинь та бүхэнтэй хуваалцахгүй өнгөрч болохгүй санагдлаа.
Амьдралын урсгалд хөтлөгдөн
Алгуурхан хөвөх гэнэн сэтгэл
Араншин ихтэй амьдралын ээдрээг
Аргадан байж туулахаас яах вэ?
"Аргадан байж туулахаас яах вэ?" цааш унших »

"Дон Кихот" ба чиний тэнэглэл

2010-02-12 20:35:42

Олон утга зохиол шүүмжлэгчид, уншигчид "Дон Кихот"-оос илүү роман үгүй гэдэг юм байна. Түүний өмнө Толстой ч, Гёте ч, Диккэнс ч, Прүст ч, Жойс ч гишгэхгүй гэхээр сонирхол татаж байгаа биз? Испанийн яруу найрагч, зохиолч Мигэль дэ Сервантес Сааведра өнөө хэр Өрнийн утга зохиолын оройн чимэгт тооцогддог бөгөөд түүнийг Уллиам Шекспиртэй зэрэгцүүлж, "Хуучин Гэрээ"-ний Номлогчийн үгс, суут Хомер, Платоны санааны ертөнцийг бүтээсэнтэй зүйрлэж болох аж.
""Дон Кихот" ба чиний тэнэглэл" цааш унших »

Тоомойн Очирхүү : "Надад урам хайрла"

2010-02-11 20:53:44

Тоомойн Очирхүү : Надад урам хайрла

Хүмүүс ээ ! Надад урам хайрла !

Хүсэл зориг бадраах халуун дулаан үг хайрла

Анх хөлд орж байгаа алдрай жаахан хүүд
Алхаарай, алхаарай гэж дэм хайрла

Эрдэнийн үсэг хэлхэж суугаа сургуулийн жаахан охинд
Эрдэмтэй хүн болноо, хичээ гэж урам хайрла

Анхны цалингаа аваад баярлаж байгаа хөвгүүнд
Аавын хүү эр хүн болж гэж шан хайрла

Амьдралд нэг эндээд гэмшиж суугаа хүнд
Ахиад алдахгүй ээ хө гэнэдэж гэж ухаан хайрла

Өдий жил ч хол байна даа гэж хүлээж суугаа амрагт
Өө юухан байхав гэж итгэл хайрла

Өндөр нас ч дарлаа даа гэж гуньсхийж суугаа бууралд
Өвөө та ануухан байна даа гэж урам хайрла

Хүмүүс ээ ! Надад урам хайрла !
Хүч тэнхэл өгөх бүлээн дулаан сэтгэл хайрла !

1978 он

Уран зураг

2010-02-11 20:26:08

"Зураг түүх өгүүлнэ гэдэг." -Бүх цаг үеийн шилдэг зургуудаас цуврал болгон хүргэвэл ямар вэ? Ерөөсөө үе үеийн суут зураачид үгээр илэрхийлж чадаагүй мэдрэмжээ зургандаа үлдээсэн байх юм. 1. Энэ хэний зураг вэ? 2. Зураг ямар утга учиртай вэ?

"Уран зураг" цааш унших »

Дөлгөөн Дон - фильм

2010-02-07 22:24:31

Энэ сарын номоор Оросын нэрт зохиолч М.Шолоховын Нобелын шагналт "Дөлгөөн Дон" олонхийн саналаар шалгарсан билээ.

Номыг нь уншсан хэн бүхэнд сайхан байх болов уу гэж киног нь орууллаа.

Одоо хүмүүс torrent, lime wire гээд л олон "сайхан програм"-аар дуртай киногоо татаж үздэг болж дээ. Хууль бус боловч дэлхий даяар оюуны хэрэгцээгээ хангаж байгааг нуух юун.

Орос-Англи хэлээр нь хайх бол "Тихий Дон", "Quiet Flows the Don" гэнэ биз ээ.

Доорхи trailer -с нь ч үзэхэд зохиолыг уншсан хүмүүст шууд л үйл явдал нь тодроод ирнэ байх. Мэдээж кино эх зохиолыг нь уншихыг гүйцэхгүй гэдгийг анхааруулъя.

Онч үгсийг хэрэглэвэл үг цөөн, утга агуу болно...

2010-02-06 22:06:02

"Онч үгсийг хэрэглэвэл үг цөөн, утга агуу болно" гэж Марк Твейн афоризмыг ёстой цөөн үгээр агуу тодорхойлжээ. Ухаант хүн бүхэнд оюунаа хурцалж, сэтгэл юугаан хатамжилдаг онч үгс байдаг. Тэр байтугай олон суут хүмүүст насан туршид нь баримталж явсан цорын ганц үгс ч хүртэл байдаг юм байна.
"Онч үгсийг хэрэглэвэл үг цөөн, утга агуу болно..." цааш унших »

"Наран тогоруу" өгүүллэгийн тухай

2010-01-30 00:49:59

Богино өгүүллэгийн мастер С.Эрдэнэ гуайн олон сайхан бүтээлээс би "Нарантогоруу"-д нь илүү хайртай. Хүний амьдралыг энэ богинохон өгүүлэлдээ багтааж чадсан яруу мэдрэмжтэй зохиолч байж дээ...

"Чи чимээгүй ирээд чимээгүй буцах юм даа.."

"Наран тогоруу", С.Эрдэнэ

2010-01-29 23:46:54

Миний бие зуны оройн нартай салах ёс гүйцэтгэн сүмийн хуучин туурины дэргэдэх ус нь ширгэсэн худгийн хашлага дээр сууж байлаа...

""Наран тогоруу", С.Эрдэнэ" цааш унших »

Энэ сарын ном- "ДӨЛГӨӨН ДОН"

2010-01-16 14:25:06

Оросын их зохиолч М.Шолоховын бүтээл, Нобелийн шагналт алдарт "Дөлгөөн Дон" энэ сарын номоор блогийн зочдын хамгийн их саналыг авсны үндсэн дээр шалгарлаа.

Илүү их сайхан хэлэлцүүлэг өрнүүлэхийн тулд сэтгэгдлээ бичихдээ дараах бяцхан дүрмийг баримтлаарай:

1. Номын товч агуулга

2. Зохиогчийн номоор дамжуулж хүмүүст хүргэх гэсэн үзэл санаа юу вэ?

3. Зохиолын хамгийн тод үлдсэн үйл явдал тань юу вэ?

4. Зохиолын гол баатар Григорийн амраг Аксинья, эхнэр Наталья хоёрын хэнийг та сонгох вэ? (Хэнийг нь хамгийн их өрөвдөж хайрласан бэ?)

-Зохиол энэ зурган дээрх үйл явдлаар эхэлдэг санагдаж байна. Григорий хөрш айлын нөхөртэй бүсгүй Аксиньяг усанд явж байхад нь хоргоогоод л...Аксинья хэдий ариун журамт бүсгүйн ёсоор эсэргүүцдэг ч дотроо Григорийд сайн... (Зохиолыг санахад нь тус болох үүднээс орууллаа)

За бичээд байгаарай, амжилт хүсье.

Мөн ирэх сарын хэлэлцүүлэх номын саналаа өгөөрэй.

Сүүлийн 60 жилийн шилдэг ном

2010-01-04 15:39:27

Сүүлийн 60 жилийн шилдэг ном

1949-2009 онд гарсан шилдэг 60 номыг The Times сонин нэрлэлээ. Британийн Челтнем хотноо уламжлал болон явагддаг уран зохиолын наадмын 60 жилийн ойд зориулан гаргасан эл жагсаалтын эхэнд Английн нэрт зохиолч Жорж Оруэллийн “1984” роман бичигджээ.

"Сүүлийн 60 жилийн шилдэг ном" цааш унших »

"Жамаараа яваа ертөнц", Вольтор

2009-12-27 23:04:19

"Эврика!" гэж суут Архимед онгоцонд (ванн шүү ^_^) усанд орж суухдаа хожим өөрийнхөө нэрээр нэрлэгдсэн нэгэн нээлтийг олоод хашгиран огло харайн гарсан гэдэг. Мань хүн эзэн хаанаасаа "Энэ миний хааны титмийг цэвэр алтаар хийж үү, үгүй юу мэдээдэх" гэсэн даалгавар авсан юм байна. Ёстой өдөр шөнөгүй толгойгоо гашилгаад ердөө санаа ож ирдэггүй ээ. Тэгэхээр төмрийн хольцтой титэм арай өөрөөр живэхийг усанд орж суухдаа бодож олсон хэрэг. Хар үгээр хэлбэл аливаа биет өөрийнхөө нягтаас шалтгаалж харилцан адилгүй усанд живэх нь л дээ. Тэгээд л өвгөн эрдэмтэн баярласандаа "Эврика" буюу "ОЛЛОО" гэж орилсон юм байна. Хажуу айлынх нь хүн сонсоод Архимед Эврика гэж орилсон гэж хэлсэн байх гэж би боддог ^_^ Харин би нэг зүйл "ЭВРИКАДЛАА".
""Жамаараа яваа ертөнц", Вольтор" цааш унших »

"Жамаараа яваа ертөнц"

2009-12-19 05:14:14

*************************************************************************************** Хүн төрөлхтөний соёл иргэншилд гүйцэтгэсэн үүргээр нь XVIII зууныг "Оюун бодлын эрин үе", "Гүн ухаантнуудын эрин үе" гэж нэрлэдэг билээ. Үнэхээр ч энэ зуунд шинжлэх ухааны болон уран сайхны сэтгэлгээ эрчимтэй хөгжсөн юм.
""Жамаараа яваа ертөнц"" цааш унших »

Grand book 2009

2009-12-18 08:01:26

Өнөөдөр » Номын хурим Интерномын энэ жилийн шилдэг номууд тодорлоо. Ш.ОЮУНЦЭЦЭГ (2009-12-14)

Оны шилдэг ном шалгаруулах арга хэмжээг “Интерном” номын их дэлгүүрээс гурав дахь жилдээ зохион байгууллаа. “Grand boок-2009”-д өнөө жил 100 ном нэр дэвшүүлснээс 26 нь ийнхүү шигшигдэж үлджээ. Оны шилдгээр 11, шилдгийн шилдгээр 10, “Grand book” нэг, онцлог дөрвөн ном шалгарсан байна.

Оны онцлох номоор “Залуу хүний ширээний ном”, “Монголын их хатдын нууц товчоо”, “Санхүүгийн эрх чөлөөнд хүрэх нь”, “UPTOWN” сэтгүүл шалгарчээ. Уг шалгаруулалтыг хийхдээ уншигчдын хэрэгцээ шаардлага хангасан байдал, хэвлэлийн чанар, дизайн, борлуулалтын үнийн дүнг гол шалгуур болгодог аж.
"Grand book 2009" цааш унших »

Бүх цаг үеийн шилдэг ном, зохиол

2009-12-17 08:51:26

Бүх цаг үеийн шилдэг 100 зохиолыг дэлхийн уншигчид, судлаачдын нэгдсэн саналаар шалгарснаар хүргэж байна. Манай номын клуб доор дурдсан номуудын цаана нэг нартай өдөр гарна гэж найдаж байгаа шүү. Тэр цагт дараа дараагийн үедээ нэг ч гэсэн оюунлаг зүйлийг үлдээлээ гэж үзэх үндэстэй л юм. Үүнд эрхэм зочид та бүхний оролцоо чухал юм шүү. -Доорх 100, 100 жагсаалтаас уншсан ном байвал хуваалцаарай.
"Бүх цаг үеийн шилдэг ном, зохиол" цааш унших »

Номын ертөнцөөр...

2009-12-12 21:16:13

Англид маш олон номын дэлгүүр байдаг. Foyles, Blackwell’s, Borders, Waterstone’s гэх мэт олон сүлжээ дэлгүүрүүд байхаас гадна биеэ даасан жижиг дэлгүүрүүд ч олон.

Вотерстөүнс (Waterstone’s) нь анх 1982 онд байгуулагдсан, одоогоор Англи улсын хэмжээгээр 300 гаруй салбартай, номын хамгийн том дэлгүүрт тооцогддог юм байна. Тэдний дундаж хэмжээтэй салбар дэлгүүр 30000 номтой байдаг байхад, томоохон салбарууд нь 200000 нэрийн номтой гэнэ. Лондон хотын Пикадилли (Piccadilгудамжинд байрлах Вотерстөүнсийн салбар нь Англид төдийгүй Европд ч хамгийн томд тооцогддог аж. Ингээд энэ дэлгүүрээр орж хэдэн зураг дарснаа та бүхэнд танилцуулъя.

"Номын ертөнцөөр..." цааш унших »

12-р сарын ном-2 /Алхимич/

2009-12-08 15:55:56

Сайн байцгаана уу, эрхэм номын ариун журмаар холбогдсон найзууд аа!

Энэ долоо хоногийн номоор олонхийн саналаар

Пауло Коэльогийн "Алхимич" шалгарлаа. Энэ номыг уншсан, уншиж байгаа, уншиж магад хэн бүхэн өөрсдийн сэтгэгдлээ үлдээнэ биз ээ. Миний бие хүмүүсийн сэтгэгдлийн сүүлд өөрийн номоос үлдсэн дурсамжаас хуваалцах болно оо. Мөн дараагийн сард хэлэлцэх номын саналаа явуулаарай.

Тавтай морил...

Ханс Андерсен "Чүдэнз худалдагч охин"

2009-12-02 10:24:49

Энэ бол шинэ жилийн босгон дээр ганцхан удаа болдог битүүний үдэш байсан хэрэг шүү дээ. Ийм хүйтэн харанхуй цагаар хөл, толгой нүцгэн гуйранч, бяцхан охин гудамжаар гэлдрэн явав. Үнэндээ гэрээс гуталтай гарсан боловч хэтэрхий томдсон хуучин шаахай нь хөөрхий охинд тийм их тус болох байсан гэж үү. Энэ шаахайг урьд нь охины ээж өмсч байсан гэж бодвол хэр зэрэг том байсан нь аяндаа тодорхой болно биз дээ.Хар хурдаараа давхин явсан хоёр сүйх тэрэгнээс айж, зам хөндлөн гүйж гарахдаа өнөө муу шаахайгаа унагачихжээ.

"Ханс Андерсен "Чүдэнз худалдагч охин"" цааш унших »

: 1 :: 2 :

(Нийт: 32)

Зохиолын ишлэл...

Анхаарал татсан бичлэг

Энэ сарын ном

Шинэ сэтгэгдэлүүд

Найз хаягууд

Эрхэм баян- Эрдэм ном

Номын Клубт элсэх журам

Төгсөшгүй байг...

Өнөөдөр "чика" өдөр

Сэтгэлийг анагаагч аялгуу

Яагаад "Банжиг" гэж?

Уншихгүй бол сэтгэхгүй

Шошгонууд

Шууд ярилцлага